Қамқоршылық кеңес директордың есеп беруі

Қазақстан  Республикасы   Білім   және  ғылым  министрінің   2016  жылғы  21 қаңтардағы   № 52  бұйрығымен  Білім алушылардың білімін бағалау өлшемшарттары бекітілді. Осы бұйрық   бойынша   Білім мен ғылымды дамытудың 2016-2019 жылдарға арналған мемлекеттік бағдарламасын іске асыру мақсатындағы 2016 жылғы 1 қыркүйектен 1 сыныптар, 2017 жылғы 1 қыркүйектен 2, 5 және 7 сыныптар, 2018 жылдың 1 қыркүйегінен 3, 6 және 8 сыныптар қазіргі таңда жалпы саны-146 оқушы жаңартылған білім мазмұны бойынша білім алуда. 

2016-2019 жылдарға арналған мемлекеттік бағдарламасына сәйкес білім сапасын арттыру жөніндегі жұмыстың негізгі бағыттары білім беру процесіне қатысушылардың үздік білім беру ресурстары мен технологияларына бірдей қолжетімділікті қамтамасыз ету, жылдам өзгермелі әлемде табыстылығын қамтамасыз ететін білім алуға деген білім алушылардың сұраныстарын қанағаттандыру, Қазақстан Республикасы азаматтарының жалпы білім беретін мектептерде интеллектуалдық, рухани және дене бітімі дамуын қалыптастыру болып табылады. 

Мемлекеттік даму бағдарламасын орындау мақсатында мектебімізде үлгермеуші оқушылармен жеке жұмыстар жасалып, мектепішілік бақылау жоспары бойынша әрдайым білім сапасы назарға алынып, мониторинг жасалуда. 

Мемлекеттік даму бағдарламасында көрсетілген индикатор бойынша Тараз қаласы №57 орта мектепте 2018-2019 оқу жылында «Бағдарламаны іске асыру нәтижелеріне қол жеткізу өлшемдері мен көрсеткіштері» төмендегідей:

• Тараз қаласы №57  орта мектебінде қазіргі таңда 193 оқушы білім алуда, мектебіміздің білім сапасы 2018-2019 оқу жылының аяғында67% көрсетуі керек. Ол дегеніміз жылдың аяғында мектебімізде үздік және екпінді оқушылар саны 136 болуы керек. 2018-2019 оқу жылының 3 тоқсан қорытындысы бойынша мектебімізде үздік және екпінді оқушылар саны 118 оқушы,білім сапа 61% көрсетіп тұр, межеге жету үшін 4 тоқсанда тағы +6% пайызға көтерілу керек. 
• Оқушылардың оқу жетістіктерін сырттай бақылау нәтижесі 2018-2019 оқу жылында 4,9 сыныптардан айны екі рет сынама тест алынып, сараптамасы жасалады. Наурыз айындағы «Достық тест орталығынан  алынған сынама тест қорытындысының оратша ұпай нәтижесі бойынша: 4 сыныптар – 17 ұпай, 9- сыныптар- 45 ұпай көрсеткіш көрсетті.
• Мектебімізден биылғы қалалалық пән олимпиадасына 8 оқушы қатысып, оның біреуі биология пәнінен 3 орын алды және бір оқушы информатика пәнінен қалалық білім бөлімінің грамотасы мен марапатталды.
• Мектебімізде қосымша білім берумен қамтылған 54 оқушы ол   барлық оқушылардың 28% үлесі.
• «Жас Ұлан», Жас Қыран» ұйымдарындағы оқушылардың үлесі биылғы оқу жылында 73% көрсеткіш көрсетіп индикатордағы жоспар бойынша биылғы оқу жылында 55% болу керек, +18% -ға жоғары көсеткіш көрсетіп тұр,   демек  мектебімізде үздік және екпінді оқушылардың көбейуіне байланысты көтерілген.
• Мектеп оқушыларының жалпы санынан инклюзивті білім берумен қамтылған ерекше қажеттіліктері бар 4 оқушы және үйде оқытылатын 4 оқушыбілім алады.
• Мектебімізде 41 мұғалім жұмыс істейді. Оның 80% жоғары білімді, қалған 20%-ың білімі арнаулы орта және техникалық. Штаттардың жалпы жинақталуы 100% құрап тұр. Бірінші және жоғары дәрежесі бар оқытушылар санның арақатынасы 40% құрап тұр.
• Мектебімізде 100% оқушылар оқулықтармен және оқу әдебиетімен қамтылған.
• Білім беру процесін ақпараттандыру: бір компьютерге 5 оқушы көрсеткіш көрсетіп тұр. Оқыту процесінде АКТ-ны қолдану (оқыту АКТ-ны пайдаланумен жүргізілетін пәндердің (оқу сағаттарының) үлесі) 60% құрап тұр.Білім беру процесін жүзеге асыру үшін 33 компьютерпайдаланылады. 

4- Интерактивті тақта және 1- мультимедиалық кабинет.28 компьютер жергілікті желіге қосылған. Интернетке қосу (жылдамдығы), 8 Мб/с. Биылғы оқу жылының желтоқсан айында білім бөлімі тарапынан мектепте ішкі сымсыз WI-FI желісімен 100% жарақтандырылған.

      Әдістемелік қызмет-бұл барлық педагогтар ұжымының шығармашылық ынтасын арттыруға және дамытуға, әрбір педагогтың кәсіби шеберлігін, біліктілігін, жан-жақты көтеруге бағытталған іс-әрекеттер, сонымен қатар ғылым жетістіктеріне негізделген, үздік педагогикалық тәжірибелермен өзара байланыстағы шаралара жүйесі, оқу-тәрбие үдерісінің нақты талдауы. 

Әдістемелік жұмыс «Оқу-тәрбие үрдісінде оқытудың инновациялық технологияларының ерекшеліктерін үйрене отырып, мұғалімдердің кәсіби деңгейін көтеру» тақырыбында жұмыс жасайды. 

     Мектеп жұмысының ең басты бағыты-педагог кадрлармен жұмыс. Бүгінде мектебімізде барлығы 42 педагог, оның 34 жоғары, 8 арнаулы білімді педагог  қызмет атқарады.

Барлығы-42

Жоғары санататты педагогтар –9

Бірінші санатты педагогтар-9

Екінші санатты педагогтар-9
 Санаты жоқ жас мамандар –15

Педагогтардың сапалық құрамы-43%-ды құрайды.

Аталған оқу жылы 4 жас маман ұстаз жұмысқа қабылданды. Бұл 10%-ды құрайды.

1. Бағдарламаны іске асыру нәтижелеріне қол жеткізу өлшемдері мен көрсеткіштері 

4-өлшем: Кадрларбөлімі бойынша:

Мектебімізде 2018-2019 оқу жылы МДЖ жоспары жасалып,«Жаңашыл әдістің көшбасшылары» кәсіби қоғамдастығы құрылды.МДЖ-жоспары бойынша мектепішілік коучинг, қоғамдастық, тәлімгерлік, «Lesson Study» үдерісі, «25 ән, 25 кітап» жобасы жүргізілді. Ұстаздар арасында мектепішілік  дөңгелек үстелдер, пікір алмасулар және коучингтар өткізілді.Нәтижелі ұйымдастырылған коучинг барысында ұстаздар  өзара тәжірибе алмасып, кәсіби сұхбаттар, талқылау жүргізіледі. МДЖ-ның даму бағытының бір саласы «Lesson Study» үдерісі. «Lesson Study» үдерісіне «Жаңартылған білім беру мазмұны шеңбері» аясында  1,3,5,7-сыныптарға сабақ беретін 5 педагог қамтылды. Жоспарға сәйкес қазақ тілі, сауат ашу, математика, жаратылыстану, тарих пәндерінен ашық сабақтар ұйымдастырылып, 3 циклдан тұратын зерттеу сабақтары өткізілді. Нәтижесінде педагогтарда сабақ мақсатына жету, әдіс-тәсілдерді ұтымды пайдалану, оқушының даму сатысындағы деңгейін бақылау, түрлі әдіс-тәсілдерді тиімді қолдану арқылы оқушы қажеттілігін қанағаттандыру тәсілдері дамыды. Оқушыда топтық жұмысқа бейімделу, топта ынтымақтастық атмосферасын құру, көшбасшылық, таным белсенділіктері дамыды.

Педагогтарда тәжірибемен бөлісу, ынтымақтастық орта, талқылау, жоспарлау, зерттеу, бақылау үдерістері жүрді.

«Озат тәжірибені» жинақтау, тарату мақсатында аталған оқу жылы қалалық деңгейде «Жаратылыстану» бірлестігінде  сәуір айының 30-да семинар өткізіледі деп жоспарланған.

Дарынды балалармен жұмыс (ғылыми жұмыстар, дистанционды , пәндік олимпиадалар, интеллектуалды марафондар, шығармашылық байқаулар)

 «Ізденіс» оқушылардың ғылыми қоғамы оқушыларды   ғылыми ізденушілікке деген қызығушылығын қалыптастыру, шығармашылық қабілетін ашу, өмірлік, азаматтық белсенді позициясын қалыптастыруға және жоғары адамгершілік сапалары мен рухани құндылықтарының дамуына қарқынды ықпал етеді. Мектепте «Ізденіс» оқушылардың ғылыми қоғамы құрылған. «Ізденіс» оқушылардың ғылыми қоғамына мектеп психологының көмегімен сауалнама алу арқылы анықталған 35 оқушы кіреді.  І жарты жылдық бойынша дарынды оқушыларымыздың байқауларға  қатысу көрсеткіші 2017-2018 оқу жылының І жарты жылдық қорытындысымен салыстырғанда 21%-ға өсті.  Атап айтқанда, І жарты жылдық қорытындысы бойынша қалалық байқау 7 орын, облыстық байқау 2 орын., Республикалық «Ақ бота» интелектуалдық марафоны 3 орын, Халықаралық «Пони» байқауы 6 орын,  Республикалық қашықтықтан өткізілген пәндік олимпиададан 25 орын, Республикалық «Мәнерлеп оқу»  байқауы 2 орын.

Аталған оқу жылындағы орындалған жұмыстарды саралай келе, алға қойылған   мақсаттарға қол жеткізу үшін мынадай міндеттерді шешу қажет:

1.Педагогтардың сапалық құрамын +11%-ға арттыру.

2.Кәсіби конкурстарды ұйымдастыру және педагогтарды кәсіби байқауларға қатыстыру;

3. Озық тәжірибені тарату мақсатында облыстық семинар ұйымдастыру;

4. Мектепішілік «Lesson Study» үдерісін ұйымдастырып, нәтижесін бақылау.

Мектебімізде тәрбие жүйесінің 8 бағытына сәйкес жұмыстар жасалуда. 

1 желтоқсан тұңғыш президент күніне орай жас ұрпақты өз Отанын, халқын сүйетін азамат болып өсуге, елжандылыққа, патриоттық сезімге тәрбиелеу мақсатында  «Елін сүйген, елі сүйген  елбасы!» атты мерекелік іс – шара өткізілді. 

Қазақстан Республикасының рәміздерін құрметтей білуге ,ұлттық патриотизмге, Отан сүйгіштік сезімге тәрбиелеу мақсатында ҚР  Тәуелсіздігіне 27 жыл толуына орай  «Тәуелсіздік тәңірден келген тәтті сый!» атты мектепішілік кеш ұйымдастырылды. 

2018-2019 оқу  жылында «Жас Ұлан», «Жас қыран» ұйымдарына қамтылған оқушылар үлесі – 70%  қамтыды.

«Бала тәрбиесіндегі ата-ананың рөлі» тақырыбында жалпы мектепшілік ата-аналар жиналысы өткізілді. 

 Діни сауаттылықты арттыру мақсатында Жамбыл облысы әкімдігі «Дін проблемаларын зерттеу орталығының» бөлім басшысы А.А Мейірбекпен кездесу ұйымдастырылып, оқушылар өздерін толғандырып жүрген сұрақтар қойып, тұщымды жауаптарын алды. 

«САҚ» киностудиясының ұйымдастыруымен жолда жүру ережесіне байланысты  бейнефилім көрсетілді

Мектебімізге бекітілген «мобильді топ» мүшелерінің тараз қалалық прокуратурасының бөлім прокуроры Нуруллаев Б.М оқушыларды ҚР ӘК тиісті баптармен таныстырды  

Аталған оқу жылы мектебімізде 21 үйірмеге -  193 оқушы, техникалық – шығармашылық бағыттағы үйірмелерге – 75 %  5-9 сынып оқушылары қамтылып отыр.Спорт секцияларына, оның ішінде мектепішілік үйірмеге - 39 оқушы, мектептен тыс спорттық үйірме (кикбоксинг) – 30 оқушы қатысады.

2018-2019 оқу жылы өзін –өзі басқару органдарына және қоғамдық ұйымдарға қатысатын оқушылардың үлесі – 16 %- ға орындалып отыр, өткен оқу жылымен салыстырғанда 2 -%- ға артты.

«Қош келдің, Жаңа жыл» мерекелік кеші

Қазақ халқының ежелден сақталып, атадан балаға мұра етіп қалдырған салт-дәстүрін, наурыз мейрамының мәнін түсіндіре отырып, «Армысың, әз Наурыз» атты мерекелік концерт ұйымдастырылды. Кеш барысында халқымыздың салт – дәстүрлерінен үзінді көрініс көрсетіліп, дастархан жайылып, наурыз көже пісірілді.  

Өскелең ұрпаққа салауатты өмір салтын ұстануды насихаттау, дене тәрбиесі және спортпен жүйелі түрде айналысуды қалыптастыру мақсатында «7- сәуір дүниежүзілік денсаулық күніне» орай  «Гір тасын көтеру», «Волейбол», «Шекемтас», «Арқан тарту» ойындары өткізіліп, белсенді оқушылар марапатталды.

Аталған оқу жылы «Рухани жаңғыру» бағдарламасының «Тәрбие мен білім» кіші бағдараламасын асыру шеңберінде іс – шараларға қатысқан оқушылар саны – 100 пайызға орындалып отыр. 

Мектебімізде рухани – адамгершілік жұмыстарды ұйымдастыру және жасөспірімдер арасында жыныстық тиіспеушіліктің алдын алу бағытындағы, жасөспірм қыздарға рухани – адамгершлік тәрбие беру , жүктіліктің алдын алу бойынша іс – шаралар жоспарға сай үнемі жүргізіліп тұрады. Қалалық емханадан арнайы дәрігерлер мен мектеп медбикесінің ұйымдастыруымен «Қыз баланың ерте жүкітілігінің зияны» тақырыбында баяндамалар оқылып, түсіндіру жұмыстары жүргізіліп тұрады. Мектеп медбикесінің сынып жетекшілермен бірге қыздар гигиенасының орындалуы бақылауға алынып, тексеру жұмыстары жүргізіліп тұрады.

№57 орта мектебінің құқық бұзушылықтың алдын алу мақсатында сынып сағаттары, оқушылармен жеке әңгімелер жүргізу, ата-аналармен кездесулер, қоғамдық ұйымдар өкілдерімен жалпы мектепішілік іс-шаралар ұйымдастырылып, құқық бұзушылыққа қарсы бағытта жұмыстар ашық түрде жүргізілуде.

Мектепте «Сенім бұрышы» дайындалған.. Мектептегі телефон «Сенім телефоны» ретінде оқушыларға және ата-аналарға жарияланды. Мектепте білім алушылар мен ата-аналарға ыңғайлы жерде, яғни 2 қабаттың оң қанатында «Сенім жәшігі» орнатылды. «Сенім жәшігі» әр айдың 28-не комиссия мүшелерімен акт жасалып ашылады, акт жасалып мөрленеді және хаттама толтырылады. Құқық бұзушылықтың алдын алу кеңесінің жұмыс жоспары жасалып, бекітілді. 9-10 сынып оқушыларымен құқықтық білімді  қалыптастыру, тәртіп ережелерін игеру, құқық негіздерін оқып, үйренужұмыстары жүргізілуде. Бақылаусыз балаларды, кәмелетке толмаған тәртіп бұзушыларды, оқуға бармай жүрген оқушыларды анықтау мақсатында рейд жүргізіледі.

Сондай-ақ №2 Тараз қаласы полиция бөлімінің инспекторымен кәмелетке толмағандар мен құқық бұзушылықтың алдын алу бағытында бірлескен жұмыс жоспары жасалған. Кәмелетке жасы толмаған оқушылар арасында құқық бұзушылықтың алдын алу мақсатында №2 полиция бөлімі кәмелетке жасы толмағандармен жұмыс бөлімінің есебінде және мектепішілік есепте тұрған оқушы жоқ. Кәмелетке жасы толмағандар ісі жөніндегі №2 полиция бөлімімен бірлескен жоспар бойынша жыл бойы жұмыс жүргізіледі. Әр айдың 2 аптасы жалпы «Құқықтық білім беру» аптасы деп белгіленген. Құқықтық-тәрбие  4 бағыттан тұрады. Сабаққа келмейтін, көп кешігетін, жанұясы жайсыз балалардың тізімі жасалып, олармен жеке жұмыстар жүргізіледі.

Мектепте Полиция бөлімшелерінің есебінде тұрған, «Қауіпті топ» есебінде тұрған, «Мектепішілік» есепте тұрған оқушылар қазіргі таңда жоқ. Сондай-ақ мектеп кітапханасында «Жасөспірім және қылмыс» тақырыбында кітап көрмесін ұйымдастыру. Бастауыш сыныптармен «Қылмыстың алдын алуға арналған» әңгімелер өткізуге, орта буын сынып жетекшілерімен «Кәмелет жасқа толмаған жасөспірімдер арасында қылмыстың алдын алу» мақсатында сынып сағаттарын өткізу, 5-10 сыныптарды «Қылмыс  және жауапкершілік» атты бейнефильм көрсетілу жоспарлануда.

Мектеп инспекторы Рысбаев Нүркен Қайратұлымен мектепішілік жоспарға сәйкес әр айда 1-10 сынып оқушыларының өздерінен жасы үлкен оқушылардың бопсалау, әлсіз оқушыларға әлімжеттік көрсету, зорлық-зомбылық, ақша сұрау, қалталарында үшкір заттар (қайшы, пышақ т.б.) және шылым мен насыбай, смартфон телефондар сынды артық заттардың болмауын қадағалау ретінде рейд жүргізіледі. Оқушылардың сөмкелері мен қалталарынан қазіргі таңда артық заттар кездескен жоқ. Құқықтық білім мен құқықтық мәдениет – тәртіптіліктің кепілі демекші оқушылардың тәртібін бақылау мақсатында күн сайын мұғалімдер тарапынан кезекшілік атқарылуда.

2018 -2019 оқу жылы 15.10 – 26.10 аралығында құқықтық білім мен құқық бұзушылықтың алдын алу айлығының «Құқық - өмір айнасы» тақырыбында іс – шаралар жоспары жасалып бекітілді.

15.10  күні  директордың   құқықтық –тәрбие  ісі  жөніндегі   орынбасары 

Г.Р Скакбаева айлықты «Құқықтық сауаттылық заман талабы» тақырыбындағы баяндамамен ашты. Баяндамада «қазіргі таңда қоғамды толғандырып отырған мәселелердің бірі бұл-құқықтық мемлекетте өмір сүре отыра, азаматтарымыздың құқықтық сауаттылығының төмендігі. Осыған орай, мемлекет саясатының негізгі құрамдас бөлігі — адамның құқықтық мәдениетінің деңгейін көтеру керек екендігі. Осы саясатты жүргізу барысында елімізде көптеген нормативтік құқықтық актілер қабылданып жатқандығы» туралы айтып өтті.

17.10 күні  Ж. Тотай «Құқық – әділет пен парасат жолы» атты слайдтық қойылым көрсетсе, 

19.10 күні «Құқықтық мәдениет – бала қауіпсіздігінің кепілі» тақырыбында 1- 10 сыныптар аралығында бірыңғай сынып сағаттары өткізілді. 

22.10 күні Г.Абдуллаева «Бала құқығы – адам құқығы» атты таныстырылым көрсетсе,

 25.10 күні «Тығырықтан шығар жол қайсы» атты 7- 10 сыныптар арасында А.Абдумуталипов сахналық қойылым көрсетті.

«Құқық - өмір айнасы» атты айлықты психолог А.Амандосованың  психологиялық тренингімен қорытынды жасадық.

«Кәмелетке толмағандар арасындағы құқық бұзушылықтардың профилактикасы мен балалардың қадағалаусыз  қалуының алдын алу туралы»  заңдарын орындау мақсатында, күндізгі және  түнгі рейдтер жүргізіледі. Рейд барысында түнгі мезгілде қадағалаусыз жүретін жасөспірімдер анықталмады.

Тараз қаласы әкімдігінің білім бөлімінің 17.04.2019 жылғы №1299 шығыс   хатын негізге ала отырып, бұйрық шығарылды. Бұйрықта  ата – аналардан заңсыз түрде сынып пен мектеп бөлмелерінің құрал – жабдықтарына, мерекелік күндерде ата – аналар мен оқушылар тарапынан ұстаздарға сыйлық жасауға, емтихан кезеңдерінде ата – аналар мен оқушылардан ақша жинауға тыйым салынатындығы нақты көрсетілген. Бұйрық бойынша іс – шаралар ұйымдастырылып, әрбір сынып жетекшімен, пән мұғалімдерімен жұмыс жүргізілді. Мектеп әкімшілігі тарапынан қатаң бақылауға алынды. Осы бұйрықтың орындалуы ДҚТІЖО  Г.Скакбаеваға жүктелді.

   2018 жылдың   желтоқсан айында Қала әкімінің өткізуімен қалалық шыршаға 6^«А» сынып оқушысы Әуесхан Әсем – президент шыршасына, 5 «а» сынып оқушысы Шәдібек Тимур қала әкімінің шыршасына қатысып тәтті сыйлықтар, қыстық сырт киім және т.б. сыйлықтар алды.

   2019 жылдың 10 қаңтар мен 10 ақпан  аралығында «Жүрегім толы мейірім» тақырыбында «Қамқорлық» қайырымдылық акциясыныі айлығы өткізілді. 1-10 сыныптар аралықтарында   мектеп оқушылар мәжіліс залында концерттік бағдарлама және сыныпта оқушылар «Әлеуметтік жағдайы төмен   отбасы оқушыларына әр оқушы оқу құралымен қамтамасыз етілді. 

 «Қамқорлық» дәстүрлі республикалық акция аясында мектепішілік «Мейірімді жүрек – жылы тілек» атты қайырымдылық  жәрмеңке ұйымдастырылды. Жәрмеңкеге 2-7 сынып оқушылары сынып жетекшілерімен атсалысты. Жәрмеңке мектептің дарынды оқушыларының дайындаған флешмобы мен ашылып, «Мейірім мен кешірім» атты көрініспен жалғасын тапты. Жәрмеңке қорытындысы бойынша 19710тг. ақша жинақталып, қайырымдылық акциясына белсене қатысқан 4 «а» сыныбы І-орынмен, 6 «ә» сыныбы ІІ-орынмен, 7 сынып ІІІ-орынмен марапатталды.

Жәрмеңкеден түскен қаражатқа мектебіміздің аз қамтылған, көп балалаы отбасыларынан шыққан оқушылардың 1-7 сынып аралығында 12 балаға оқу құралдары мен мектеп формаларының жоғын (жейде, ақ бантик, қара туфли) алынып, мектеп директорының қолымен табысталды.

«Қамқорлық» дәстүрлі республикалық акциясының қорытындысы Facebook желісіне жарияланды.

Наурыз айында әлеуметтік жағдайы төмен отбасы оқушылардың отбасына «Бір тал кессең, он тал ек» атты акция ауыл тұрғындарының үйіне жеміс ағаштарын, терек, шие ағаштары отырғызылды.

   2019 жылдың  сәуір айында мектепішілік, мектеп жанындағы  жазғы сауықтыру лагеріне және қала сыртындағы сауықтыру лагеріне 54 оқушыны денсаулығын түзеп келуін жоспарлануда

2018-2019 оқу жылына мектеп қажетіне  бөлінген қаражат

Кеңсе тауарлары- 108000 тг.бөлінген, оның ішінде: 

1. Кеңсе қағазы-103 620 тг
2. Бұйрықтар тіркеу кітабы – 3200 тг
3. Картонды қағаз папкасы-1170 тг

Шаруашылық заттар-120 000тг.бөлінген, оның ішінде:

1.Еден жууға арналған шүберек – 60 000тг

2. Кір жууға арналған ұнтақ-32900тг

3. Кір сабын-4350 тг

4. Балалар әтір сабыны – 2000 тг

5. Тазалағыш зат(ұнтақ) – 3000 тг

6. Унитаздарды тазалауға арналған сұйықтық – 3750 тг

7. Люминисцентті лампа – 8000 тг

8. Электрүнемдегіш лампа – 5950 тг 

Ағымды жөндеу жұмыстарына бөлінген қаражат-200 000

1. Ақ краска -17 100тг
2. Қызыл краска 5700 тг 
3. Көк краска – 8550 тг
4. Қоңыр краска – 54 150 тг
5. Түссіз лак – 10 000 тг
6. Водоэмульсия- 56 000 тг
7. Растворитель – 16 500 тг
8. Цемент – 4500 тг
9. Гипсополимер – 2500 тг
10. Кисти -2580 тг
11. Валики – 4400 тг
12.  Резеңке қолғаптар – 18 000тг