2019-2020 оқу жылындағы қамқоршылық кеңесі алдындағы директордың бірінші жарты жартыжылдық есебі

«Тараз қаласы әкімдігінің білім бөлімінің №57 орта мектебі»

      коммуналдық мемлекеттік мекемесі

   2019-2020 оқу жылындағы  

К.М.Абдуллаеваның қамқоршылық кеңес алдында есебі

         Мектебіміз  2019-2020  оқу жылында  мектепішілік  басқарудың  мақсат-міндеті  айқындау  мен басқару  бөліктерінің  өзара  байланысын  үйлестіру  және  ортақ  мақсатқа  бағыттау  бойынша   жұмыс  атқарылды.

Міндеті:  инновациялық  мектеп  қатарына  ену . 

     2019-2020  оқу  жылына  арналған мектепішілік жоспарын белгілеп, мектеп жасындағы балаларды оқумен толық қамтамасыз етуде, оқушылардың  бос уақыттарын  есепке алып, пәндік  және  басқа да үйірме, секцияларға тартуда, сабақта және сабақтан тыс уақытта оқу-тәрбие жұмыстарын  үздіксіз  жүргізіп,  оқушыларды  мектептен  және сыныптан тыс  тәрбие  жұмыстарының  барлық түрлерімен қамтуда нысаналы  жұмыстар  атқарды.

    Төмендегідей  нормативтік- ақпараттық   құжаттар негізінде жұмыс    жүргізілді:   Өткен оқу жылында  педагогикалық ұжымның  жоғарыда аталған мектеп  тақырыбы бойынша жұмыс істеу барысында  төмендегідей  міндеттер  шешілді:

1.Пәндер  бойынша білім негізін салатын, білім стандарттарын игеру деңгейін  қамтамасыз  ететін  оқу  жоспары  құрылып, бекітілді.

2.Педагогикалық  шығармашылықты  дамыту  және  түрлі  бастамаларды  іске  асыру   мақсатында  мектебімізде  әдістемелік жүйе  қалыптасты.

3.Жаңа білім беру технологияларын , соның ішінде денсаулық сақтау технологияларын  игеру  арқылы  педагогикалық  шеберлікті  көтеру  әдістері жетілдірілді.                                                                                 

4.Педагогтердің кәсіби шеберлігін арттыру бойынша пәндік әдістемелік бірлестік жұмысы белсенді жүргізілді, сабақтың дәстүрлі емес түрлерін дайындау, өзін-өзі талдау, өзін-өзі  бақылау  технологиялары  жетілдірілді.

5.Білім  беру үрдісінің мониторинг және диагностика жүйесі, кәсіби құзырлық  және  педагогтерді  әдістемелік  дайындау деңгейі жалғасын тапты.

6.Сабақтарда тест қолданып, қосымша сабақтар ұйымдастырылды. Сол арқылы 

 9-сынып  оқушыларын  ОЖСБ –ға  дайындау  жұмыстары  жүргізілді.

7.Жекелей  оқытуды  қолдану  жолдарымен  оқытудың  сапасы  жетілдірілді.

8.Пәндік және кәсіби білім бойынша жеке тақырыптар мен бағдарлама бөлімдері  оқытылып , тақырыптық  жоспарлар  талқыланды.

9.Білім беру үрдісі бойынша бірыңғай бақылау жұмыстарына, емтихан билеттерінің  материалдарына  дайындықтар  жүргізілді.

10.Пән және әдістеме апталықтары, жалпы білім беру пәндері бойынша байқаулар мен  олимпиадалар  өткізілді.

11.Ашық  сабақтарды  ұйымдастыру  және  оларға  қатысу  жолға  қойылды.

    Сапалы білім алудың  басты  көзі  білім  үрдісін  ақпараттандыру  болып табылады.  Мектепте информатика, мультимедиа, жаңа үлгіде жабдықталған  физика, химия, биология пән кабинеттері жұмыс істейді. Онда оқушыларымыз олимпиадаларға, ғылыми жобаларға дайындалады. Интерактивті тақтамен жабдықталған 3 кабинет бар, электрондық оқулықтарды  оқушыларымыз  кеңінен  қолданып  келеді.

     Оқу-тәрбиені  мен  әдістемелік  жұмыстарды  басқарудың  басты  құралы және негізгі сұрақтарды шешу үшін мектепте үнемі басқарушы орын педагогикалық кеңес болып табылады. 2019-2020оқу жылында жоспарланған  педагогикалық  кеңес  толығымен  өткізілді. Әрбір педкеңесте күн тәртібінде көрсетілген сұрақтар бойынша жұмыс талдаулары оқылып, кемшіліктер айқындалып, жұмысты  жақсарту үшін міндеттер анықталып, өткен педкеңес шешімдерін орындау  қаралып, талқыланды.

      Мектеп  бойынша оқу  жылы  барысында   жалпыға  бірдей білім беру  айлығы   өткізілді,  айлықтың   қорытындысы директор жанындағы жиналыста талқыланды. Оқушылар санағы, оқушылардың    қозғалысы,  білім  сапасы  бағдарлама  бойынша  есептеліп, нәтиже   шығарылып   отырылды.

      Мөлтек   аудандардағы  оқушылардың  оқумен  қамтылуына  байланысты жүргізілген іс-шаралардың негізгі мақсатымен  жұмыс  жүргізілді.

- мектепке  бекітілген  мөлтек  аудандардағы  балалардың  тізімін алып, санын  нақтылау  және  жалпы  оқумен қамтылуын, басқа мектептерде оқитын  мектеп  жасындағы  балалардың  тізімі  алынды.

- Мектеп жасындағы және мектепке дейінгі балалардың ата-аналарымен сұхбаттасып, жаңадан  көшіп  келген  және  туған  сәбилерді  есепке  алды.

   Мектебімізде 226 оқушы (1-4 сыныптарда оқушы саны-  , 5-9 сыныптарда  оқушы  саны-,  10- сыныпта  оқушы  саны- 11,)  оқушылар  екі ауысымда  білім  алды. 21 сынып  компелектісі  болды.

     Жыл басындағы оқушының барлығы қыркүйек айында медициналық тексеруден өтті.  Мектепте 2018-2019 оқу жылында үйден оқытылатын  3 оқушы.

№57 орта мектебін  2018-2019 оқу жылын 184 оқушы аяқтады. Жалпы 1-10 сыныптарда 35 үздік, 78 екпінді оқушы білім сапасы-61%.Өткен оқу жылымен салыстырғанда 3 пайызға өскен.

Өткен оқу жылында   қалалық олимпиадаға мектебімізден 4 оқушы қатысты қорытындысы бойынша 9-сынып оқушысы Болатбеков Мейрбек информатика пәнінен 3-орынды иеленді, пән мұғалімі  Топчубаев Рахматтулла.. 

Мектебімізде кәсіби бағдар жұмысына үлкен көңіл бөлінеді.  «Мамандық-өмір таңдауы» тақырыбында  Тараз қаласында орналасқан «Дим-Ка» кондитерлік  фабрикасының директоры Екатерина Ибрагимовнаның,  ауыл шаруашылық қожалығының басшысы Эльмира Алтеевамен кездесу ұйымдастырылды.

Кәсіби бағдар жұмысын жандандырып, оқушылардың өзі таңдаған кәсіпке қызығушылығын арттыру мақсатында оқу жылының екінші жарты жылдығында 9-10 сынып оқушыларын ай сайын бір рет жоғарғы және арнаулы орта оқу орындарына, өндіріс орындарына экскурсияға шығару жоспарлануда.   2017-2018 оқу жылында мектебімізде 12-оқушы 9-сыныпты аяқтап, негізгі орта білім туралы аттестат алды. Оның ішінде бір үздік аттестатты иеленген Болатбеков Мейрбек .

      Мектеп  жұмысының барлық жүйесін біртұтас байланыстыратын мұғалімнің педагогикалық шеберлігін көтерудің  маңызды құрамы  әдістемелік жұмыс.      Әдістемелік жұмыс «Оқу-тәрбие үрдісінде оқытудың инновациялық технологияларының ерекшеліктерін үйрене отырып, мұғалімдердің кәсіби деңгейін көтеру» тақырыбында жұмыс жасайды. Әдістемелік орталық инновациялық, әдістемелік және мұғалімдердің тәжірибелерін зерттеу мен жалпылауда

• Педагог кадрлармен жұмыс;
• Мұғалімдердің өз білімін жетілдіру;
• «Озат тәжірибе» мектебі;
• Педагогикалық мониторинг (рейтинг);
• Аттестация жұмысы;
• «Жаңашыл әдістің көшбасшылары» кәсіби қоғамдастығы;
• «Ізденіс» оқушылардың ғылыми қоғамы;
• «Жас мамандар мектебі»;
• Кәсіптік байқаулар (мұғалімдер мен оқушылардың қатысуы) бағыттарында жұмыс жасайды.

     Мектеп жұмысының ең басты бағыты-педагог кадрлармен жұмыс. Бүгінде мектебімізде барлығы 41, 33 жоғары, 8 арнаулы білімді педагог  қызмет атқарады. 2018  жылы педагогтардың жалпы санынан жас педагогтар 3,0 % үлесін құрауы тиіс. 2017-2018 оқу жылы 10 жас маман жұмыспен қамтылған. Жас мамандарды жұмыспен қамту мәселесі бойынша 1-4 жыл аралығындағы жас мамандардың үлесі  25%-ды құрайды. Биылғы оқу жылы жас мамандар саны  өткен оқу жылымен салыстырғанда 3%-ға артып отыр. 

      Қазақстан Республикасында білім беруді және ғылымды дамытудың  2016-2019 жылдарға арналған мемлекеттік бағдарламасын іске асыру мақсатында педагог кадрлардың сапалық құрамын арттыру 52%-ды құрау міндеттелген. Аталған оқу жылындағы педагогтардың жалпы санынан бірінші және жоғары санаты бар педагогтардың үлесі 32%-ды құрайды. Бұл -20% көрсеткішті көрсетеді. Алдағы жылдарда педагогтардың сапалық құрамын жоғарылату, кәсіби құзыреттілігін арттыру мақсатында іс-шаралар жоспары құрылған. 

Педагог шеберлігін шыңдауда кәсіптік байқаулардың алатын орны ерекше. Осы орайда мектеп мұғалімдері қалалық, облыстық, қашықтықтан ұйымдастырылған республикалық, халықаралық байқауларға қатысып, бұқаралық ақпарат құралдарына үздік жұмыстарын жариялады.  Оқу жылы қорытындысы бойынша Республикалық ғылыми-әдістемелік журналға 10 ашық сабақ жоспары, 5 баяндама, облыстық газетке 5 жұмыс жарияланды. Бұл өткен оқу жылындағы І жарты жылдық қорытындысымен салыстырғанда 3% артты. 

     Педагогтардың кәсіби құзыреттілігін дамытуда біліктілікті арттыру курстарының орны ерекше.

Метепте деңгейлік курстардан өткен мұғалімдердің саны 7;

Жаңартылған білім беру мазмұны шеңберінде курстан өткен мұғалімдер-18;

«Билингвалды Пән мұғалімі» бағдарламасы бойынша В1 деңгейінде-4 педагог;

Ағылшын тілін үйрену курсы бойынша -5 педагог;

«Мектеп үйлестірушісі» курсы бойынша -1педагог;

«Мектеп тренері» курсы бойынша -2 педагог;

«Робототехника негіздері» курсы бойынша -2 педагог білімді жетілдіру курстарынан өткен. 

      2017-2018 оқу жылы  қорытындысы бойынша 7/17% педагог білімін жетілдіру курсынан өтті. Бұл өткен оқу жылындағы  қорытындысымен салыстырғанда -6% кем. 

2018-2019 оқу жылы МДЖ жоспары жасалып,

«Жаңашыл әдістің көшбасшылары» кәсіби қоғамдастығы құрылды.

МДЖ-жоспары бойынша мектепішілік коучинг, қоғамдастық, тәлімгерлік, «Lesson Study» үдерісі, «25 ән, 25 кітап» жобасы жүргізілді. 

Ұстаздар арасында мектепішілік «Құрылымдалған рефлексия» «Орта мерзімді жоспар», «Жеке тұлғаны жан-жақты қалыптастыру-педагог шеберлігі», «Критериалды бағалау» тақырыптарында коучингтар өткізілді.

«Құрылымдалған рефлексия» тақырыбындағы коучинг

«Орта мерзімді жоспар» тақырыбындағы коучинг

«Жеке тұлғаны жан-жақты қалыптастыру-педагог шеберлігі», «Критериалды бағалау» тақырыптарында өткен коучингтар

«Блум түймедағы», «9 ромб», «Сана тунелі», «Топтық жұмыс» 

Нәтижелі ұйымдастырылған коучинг барысында ұстаздар  өзара тәжірибе алмасып, кәсіби сұхбаттар, талқылау жүргізіледі. 

МДЖ-ның даму бағытының бір саласы «Lesson Study» үдерісі. «Lesson Study» үдерісіне «Жаңартылған білім беру мазмұны шеңбері» аясында  1,2,5,7-сыныптарға сабақ беретін 6 педагог қамтылды. Жоспарға сәйкес қазақ тілі, сауат ашу, математика пәндерінен ашық сабақтар ұйымдастырылып, 3 циклдан тұратын зерттеу сабақтары өткізілді. Нәтижесінде педагогтарда сабақ мақсатына жету, әдіс-тәсілдерді ұтымды пайдалану, оқушының даму сатысындағы деңгейін бақылау, «Сана тунелі» әдісін қолдану арқылы оқушы қажеттілігін қанағаттандыру тәсілдері дамыды. Оқушыда топтық жұмысқа бейімделу, топта ынтымақтастық атмосферасын құру, көшбасшылық, таным белсенділіктері дамыды.

Әріптестерде тәжірибемен бөлісу, ынтымақтастық орта, талқылау, жоспарлау, зерттеу, бақылау үдерістері жүрді.

«Lesson Study» үдерісі бойынша жүргізілген сабақтар көрінісі

«Lesson Study» үдерісі бойынша сабақ барысын ұйымдастыру, 

талдау, талқылау сәті.

1 «а» сынып жетекшісі

Мелдебек Зейнеп

Математика пәнінің мұғалімі Тулаганова Азиза

           «Сана тунелі» әдісі                                              Топтық жұмыс

Сонымен қатар, оқу жылында тәжірибе алмасу мақсатында

 «Үздік ашық сабақ» үлгілері көрсетілді

Өзін-өзі тану сабағы, 7-сынып

Тақырыбы: «Адам бақыты»

«Озат тәжірибені» жинақтау, тарату мақсатында 2017-2018 оқу жылы қалалық деңгейде 2 семинар өткізілсе, биылғы оқу жылы сәуір айында «МИФ» әдістемелік бірлестігі "Математика" пәндері бойынша 1 қалалық семинар өткізілді

ҚАЛАЛЫҚ СЕМИНАР  КӨРІНІСТЕРІ (2017-2018 ОҚУ ЖЫЛЫ)

Дарынды балалармен жұмыс (ғылыми жұмыстар, дистанционды , пәндік олимпиадалар, интеллектуалды марафондар, шығармашылық байқаулар)

          «Ізденіс» оқушылардың ғылыми қоғамы оқушыларды  ғылыми ізденушілікке деген қызығушылығын қалыптастыру, шығармашылық қабілетін ашу, өмірлік, азаматтық белсенді позициясын қалыптастыруға және жоғары адамгершілік сапалары мен рухани құндылықтарының дамуына қарқынды ықпал етеді. Мектепте «Ізденіс» оқушылардың ғылыми қоғамы құрылған. «Ізденіс» оқушылардың ғылыми қоғамына мектеп психологының көмегімен сауалнама алу арқылы анықталған 32 оқушы кіреді.  І жарты жылдық бойынша дарынды оқушыларымыздың байқауларға  қатысу көрсеткіші 2016-2017 оқу жылының І жарты жылдық қорытындысымен салыстырғанда 17%-ға өскендігі байқалады. Атап айтқанда жылдық қорытындысы бойынша қалалық байқау 4 орын, облыстық байқау 2 орын, Республикалық «Ақ бота» интелектуалдық марафоны 2 орын, Халықаралық «Русский медвежонок» байқауы 3 орын, «Пони» байқауы 3 орын,  Республикалық қашықтықтан өткізілген пәндік олимпиададан 6 орын, Республикалық «Құс жолы»  өнер байқауы 1 орын.

Мектептің 2018-2019 оқу жылындағы

 материалдық-техникалық базасы туралы мәлімет

      Мектеп -1973-құрылған, 2012 жылы  сыйымдылығы 180 орынға арналған мектеп ғимараты салынып қолданысқа берілді.

Жалпы алаңы -2,0615м²

Жұмыс алаңы -1822,63м²

Кітапхана алаңы- 12 орындық 67,02,м²

Асхана алаңы -60 орындық  318,09 м² 

Мектепте  18 оқу кабинеттері және  акт залы 1-112- орын, медицина кабинеті бар. Интерактивті тақтамен жабдықталған-3 кабинет бар. Мультимедиялық кабинет -1, компьютерлік кабинет-1, шеберхана-2, спорт зал -1, компютер саны-31. 

Оқушыларды тасмалдауға ПАЗ-32054 маркалы автобус берілген. Мемлекеттік нөмері H847 АЕ08   

2018-2019 оқу жылында мектепте 175 оқушы білім алады. Оның ішінде 25%  Жиделі шағын ауданынан тасымалданады . Былтырғы оқу жылымен салыстырылғанда 2%  артып отыр.

2018-2019 оқу жылында

1. 2 комплект шағын жинақталған мектепке арналған бағдарламалық – аппаратты комплексі  берілді. Жалпы сомасы 912 640 тенге.
2. 2 класс комплект жиhаз бөлінді: 

-оның ішінде  5-11 сыныптарға арналған 15- дана оқушы үстелі, 30-дана оқушы орындығы, 1-дана киім ілуші шкафы, 1-дана кеңсе  шкафы, 1-дана мұғалім үстелі, 1-дана мұғалім орындығы. 

1-4 сыныптарға арналған 15-дана оқушы үстелі, 30-дана оқушы орындығы, 1-дана киім ілуші шкафы, 1-дана кеңсе  шкафы, 1-дана мұғалім үстелі, 1-дана мұғалім орындығы. 

1. Мектептің жылу жүйесі «Жамбыл-Жылу» МКК  қамтамасыз етеді.
2. Мектепте техникалық қауіпсіздік сабақтары тәрбие сағаттарында өткізіледі. Директордың шаруашылық ісі жөніндегі орынбасары мектеп қызметкерлеріне айына бір рет техникалық қауіпсізідігі бойынша инструктаж өткізеді. Мектепте өртке қарсы дабыл  қағу қондырғылары, ішкі  және сыртқы 8 дана  бейнебақылау камералары орнатылған.

Тәрбие – халықтың ғасырлар бойы жинақтап, іріктеп алған тәжірибесі мен ізгі қасиеттерін жас ұрпақтың бойына сіңіру, баланың қоршаған ортадағы қарым-қатынасын, дүниетанымын, өмірге деген көзқарасын және соған сай мінез-құлқын қалыптастыру. 
 Тәрбиенің негізгі мақсаты – жалпы адамзаттық құндылықтар идеясына негізделген демократиялық қоғамда өмір сүре білетін бәсекеге қаблетті, азаматтық санасы қалыптасқан, шығармашылық ойлау қабілеттері дамыған, жаңа заманға лайықты, білімді, өнегелі, өз Отанын сүйе, қадір тұтатын, рухани адамгершілігі мол, жан-жақты қалыптасқан ұрпақ тәрбиелеу.
 Бүгінгі күннің талабына сай ұрпақ тәрбиесінің мазмұнын, әдіс-тәсілдерін және ұйымдастыру жүйесінің ірге тасын қалайтын негізгі қағидалар мыналар: 
 тәрбиенің мазмұны, оны жүзеге асыратын әдіс-тәсілдердің негізі- адамгершілік, имандылық, ізгілік, елжандылық.

Тәрбиенің негізгі міндеттері:

Жеке адамның шығармашылық, рухани және күш-қуат мүмкіндіктерін жетілдіру, даралықты дамыту үшін жағдай жасау арқылы ой-өрісін кеңейту;

Өз Отанын құрметтеуге, азаматтық пен патриотизмге, сүйіспеншілікке, мемлекеттік рәміздерін, халық дәстүрлерін қастерлеуге тәрбиелеу;

Тұлға мен ұжым дамуындағы жаңа технологияны қолдану барысында тәрбие үрдісінің нәтижесін өз өмір тәжірбиесінде пайдалана білуге тәрбиелеу;

Отанына деген сүйіспеншіліктерін ояту, салауатты өмір салтын сақтауға бағыттау;

Мемлекет пен құқықтық туралы білім жүйесін қалыптастыру.

Осы міндеттерді іске асыруда Қазақстан Республикасы Білім және ғылым министрінің 2015 жылғы 01 маусымдағы № 348 бұйрығымен бекітілген тәрбие тұжырымдамасы бойынша тәрбиенің басым 8 бағыттық жұмысы қамтылды.

Олар: 

1.Қазақстандық патриотизм және азаматтық тәрбие, құқықтық тәрбие 

2. Рухани-адамгершілік тәрбие 

3. Ұлттық тәрбие 

4. Отбасы тәрбиесі 

5. Еңбек, экономикалық және экологиялық тәрбие 

6. Көпмәдениетті және көркем-эстетикалық тәрбие 

7. Зияткерлік тәрбие, ақпараттық мәдениет тәрбиесі 

8. Дене тәрбиесі, салауатты өмір салты

Осы бағыттағы атқарылған жұмыстарға тоқталар болсақ

«Сыңғырла алғашқы  қоңырау!» атты салтанатты жиыны. 

«Отбасы – бақыт мекені» атты Республикалық апталық ұйымдастырылды.

18-29 қыркүйек аралығында тілдер  мерекесіне орай іс-шара ұйымдастырылды.

Сонымен қатар жыл басында Қазақстан Республикасы пезиденті Н. Ә. Назарбаевтің «Болашаққа бағдар: рухани жаңғыру» мақаласын жүзеге асыру мақсатында жоспар құрылып, жоспар бойынша жұмыстар атқарылуда.

«Болашаққа бағдар: рухани жаңғыру» тақырыбында мектеп кітапханасында көрме ұйымдастырылды

«Болашаққа бағдар: рухани жаңғыру» аясында жасақталған кабинет ашылды.

 «Болашаққа бағдар: рухани жаңғыру» жобасы аясында мектебімізде «Туған жерге туыңды тік!» тақырыбында  мерекелік кеш ұйымдастырылды Кеш қонақтары  «Қазақстан –Тараз» телеарнасының директоры, облыстық маслихаттың депутаты, қоғам қайраткері Мейрамбек Мылтықбайұлы Төлепберген, Қазақстан Жазушылар Одағының мүшесі және табысты түлектеріміз  Қазақстан Журналисттер Одағы сыйлығының лауреаты,  Ақын-журналист Мұратбаева Ғайни Әлімбекқызы, Физика – математика ғылымдарының кандидаты, професссор, Тараз мемлекеттік педагогикалық институтының  «Физика-математика» факультетінің деканы Темірхан Бижігітұлы қатысты. БАҚ өкілдерінен «Қазақстан Тараз» телеарнасында және облыстық  «Ақжол» газетінде жарияланды.

«Зерде» бірлестігінің ұйымдастыруымен «Болашаққа бағдар: рухани жаңғыру» мақаласын жүзеге асыру мақсатында «Туған жер – туған ел» атты ашық тәрбие сағатын өткізді

«САҚ» киностудиясының ұйымдастыруымен «Болашаққа бағдар: рухани жаңғыру» атты бейнефилім көрсетілді

Әр аптаның дүйсенбі күні 4 сабақтан кейін мектеп дәлізінде лездемеде «100 ән, 100 кітап» жобасы аясындағыа «25 ән, 25 кітап» жобасын іске асыру мақсатында халық әндері айтылып шығу тарихы оқылады.

Фотоколлажда мектегі «25 ән, 25 кітап  жобасы» бойынша атқарылған іс-шаралар көрсетілген.

Фотоколлажда «25 ән , 25 кітап жобасы» бойынша  тізімдерді қарастыру барысы, атқарылған тәрбие сағаттары, оқушы үні, ата-ана үні, оқу конференциясынан деректер және марапттаулар.

«Ұстаздық – ұлы тұлға» тақырыбында ұстаздар мерекесіне арналған іс-шара ұйымдастырылып, үздік ұстаздар марапатталды

«Қарттарым асыл қазынам» тақырыбында қарттар күніне арналған мерекелік кеш ұйымдастырылды.

16 желтоқсан тәуелсіздік күніне орай «Тәуелсіздік – теңдесі жоқ байлығым» тақырыбында мектепшілік мерекелік кеш ұйымдастырылды.

Ұлы Жеңістің 73 жыл толуына орай өткізілген «Жанды батальон» акциясы

Оқушылардың сабаққа қатысуы мен мектеп формасын тексеру бойынша мектеп инспекторы мен директордың тәрбие ісі жөніндегі орынбасары ай сайын рейд жүргізеді

Сонымен қатар мектебімізде дін басқармасының мамандарымен кездесу болып өтті.

Тоқсан сайын жоспар бойынша өткізілген ата-аналар жиналысы

Сонымен қатар орта білім беру ұйымдарындағы тәрбие жұмысының басты міндеттерінің бірі – еліміздің болашағының біртұтас іргетасын және жалпыазаматтық біріктіруші мақсат жүйесінің негізін құратын жаңа идеологиялық тұжырымдама «Мәңгілік Ел» жалпыұлттық патриоттық идеясы мен Патриоттық Актісін жүзеге асыру болып табылады. Осыған байланысты мектебімізде «Мәңгілік Ел» жалпыұлттық идеясын жүзеге асыруды қолдап жоспар құрып, жоспар бойынша  бойынша жұмыстар жүргізудеміз. 

        Өскелең ұрпақтың тәрбиесі мен дамуына ерекше көңіл бөле отырып, оқушыларды үйірме жұмысына тарту  бойынша атқарылған жұмыстарға тоқталар болсақ,   2017-2018 оқу жылында үйірмелер саны-11, атап айтсақ:

1. «Балауса би» ,«Шебер қолдар»,«Жас табиғаттанушы»,«Қылқалам»
2. «Қолөнер»,«Шешендік өнер», «Ақпараттың негізгі түсініктері»
3. «Математикалық сауаттылық»,«Бабалар тарихы асыл қазына»
4. «Дүние жүзі елдеріне саяхат»,«Ұлы дала тарихы»

Үйірмелер құрылған кесте бойынша уақтылы өтеді. 

Үйірме жұмысының 3 жылдық мониторингі бойынша оқушылардың үйірмеге

 қатысуы жылдан жылға артуда.  Мысалы былтырғы жылмен салыстырғанда үйірмеге қатысатын оқушылар саны 20%  артып отыр.

Жыл  сайын «Қазақстан Республикасының мемлекеттік рәміздері» тақырыбына  сауалнама алынады, алынған сауалнама қорытындысын былтырғы жылмен салыстырғанда 

2017-2018 оқу жылында  2% артып отыр

2018-2019 оқу жылында мектепте оқушыларды ыстық тамақпен қамтамасыз ету ұйымдастырылған. Оқу жылының басынан бастап Қазақстан Республикасы Үкіметінің 2008 жылғы 25 қаңтардағы №64 (жалпы оқу қоры туралы) қаулысына сәйкес жалпы оқумен қамту қорының есебінен көп балалы, аз қамтылған отбасы балаларынан қыркүйек айында 56 оқушы тегін ыстық тамақпен қамтамасыз етілді. Аталған оқушылардың  Мемлекеттік қызмет көрсету стандартының 2015 жылдың 13 сәуіріндегі  № 198  қаулысына сәйкес құжаттары толық жинақталған. Ыстық тамақ құны 250  құрайды. 

Мектептің әлеуметтік төлқұжаты

Жалпы оқушы саны -175

Көп балалы жанұядан шыққан оқушылар саны-67

Аз қамтылған жанұядағы оқушылар саны-10

Жетім оқушылар саны- жоқ

Жартылай жетім оқушылар саны-12

Мүгедек оқушы саны саны-1

Жайсыз отбасылар жоқ

Қамқорлыққа алынған оқушылар жоқ

Тегін тамақтанатын оқушылар саны –56

Ерекше білім беруді қажет ететін білім алушылармен бірлесе оқытатын қалыпты (бұдан әрі - инклюзивті) және арнайы сыныптарын жалпы білім беретін мектепте құру тәртібі Қазақстан Республикасы Үкіметінің 2013 жылғы 17 мамырдағы №499 қаулысымен бекітілген «Жалпы білім беру ұйымдары (бастауыш, негізгі орта және жалпы орта) қызметінiң үлгілік ережелерінде» (бұдан әрі – Үлгілік ережелер) берілгендей мектебімізде үйде оқытылу оқушылар саны -3. Биылғы оқу жылында тіл мүкістігі бар оқушылар саны артуына байланысты лагопед штаты беріліп, қазіргі таңда оқушылармен жоғары деңдейде жұмыс жасалып, нәтижесін байқалуда.Атап айтсақ бір жарым ай ішінде екі оқу «р» дыбысы, бір оқушыда «ң» дыбысы түзетілді. Келесі жылы 7- сыныптар арасында ТДО сыныбын ашу көзделіп отыр. 

Асхана жайлы есеп

   Асхана оқушылар тамақтану үшін 60 орындық мектеп асханасы ыдыспен, қажетті құрылғылармен жабдықталған. 

Жамбыл облысы Тараз қаласы ТОО «Дәмді тамақ» жауапкершілігі шектеулі серіктестігі қамтамасыз етеді. Кәсіпорын директоры Г.Ю.Каримов. Оқушылар дүйсенбі мен жұма күндері аралығында 2 ауысымда ыстық тамақпен қамтылады.

Сынып жетекшілер тарапынан асханада кезекшілік ұйымдастырылған, тамақтануды ұйымдастыру жоспары, мектепте ыстық тамақпен қамтамасыз етуді ұйымдастыру туралы бұйрық пен бракеражды комиссия құрамы бекітілген . 

Қала сыртындағы «Болашақ», «Рауан» лагері және мектепішілік «Ақ көгершін» лагерь туралы мәлімет

Қазақстан Республикасы Білім және ғылым министрінің 2015 жылғы 13 сәуірдегі № 198 бұйрығымен бекітілген:14-қосымшаға сәйкес қала сыртындағы және мектепішілік жазғы сауықтыру лагерь ұйымдастырылды.

Қала сыртындағы «Болашақ» лагеріне Тараз қаласы әкімдігінен 10 оқушыға жолдама берілді, ал «Рауан» лагеріне 10 жолдама берілді. Барлығы 20 жолдама.                   

                         Кәмелетке жасы  толмағандардың  тегін  жалпы  орта  білім  алуға  арналған Конституциялық құқығын іске асыру және Тараз қаласы әкімдігінің білім  бөлімінің  27 шілдедегі  2017 жылдың №903  бұйрығын орындау барысында Қазақстан Республикасының Білім және ғылым министірінің 15.01.2016  жылдың  №33 бұйрығымен бекітілген «Мектепке дейінгі жастағы және мектеп жасындағы балалар орта білім алғанға дейін оларды есепке алуды ұйымдастыру»  туралы  №57 орта мектебінде  жаңа оқу жылына  жалпыға бірдей міндетті  біліммен  қамтамасыз ету іс-шаралар  жоспары  және штаб  отырысының  жоспары құрылды. Осы бұйрықтың орындалу  барысында  2018 жылы  1-31 қыркүйек айында    жалпыға   міндетті  оқу айлығы №900 бұйрық сүйене отырып жоспар  бойынша    «Мектепке жол»  атты   акциясы  өткізілді.  

«Мектепке жол» акциясының  аясында 

Қамқоршылық кеңес мүшелерінің ақпараттандыруымен мектебіміздің танымал түлегі Ғайни Әлімбекқызының көмегімен сәуір айында мектебімізге көгалдандыру жұмысы жүргізіліп, мектеп ауласына 16 арша, 50 тал отырғызылды.

2018 жылдың тамыз айында «№1 колледж», «Жамбыл политехникалық колледжі», «Білім басқармасы және білім басқармасына қарасты», «Облыстық оқу әдістемелік кабинеті», «Дарынды ер балаларға арналған мамандандырылған білім инновация» мектеп интернаты, «№13 колледжі», «Жамбыл экономика және ақпараттық технологиялар колледжі», «Қазақ-түрік колледжі», «№12 колледжі», «№15 колледжі» мекемелер тарапынан 

 «Мектепке жол» акциясы бойынша мектебіміздің көп балалы, аз қамтылған, көп балалы 15 оқушыға  мектеп формасы, оқу құралдарымен көмек көрсетілді  және де 2018-2019 оқу жылында мектебіміздің көп балалы, аз қамтылған отбасы, жағдайы төмен отбасынан шыққан 34 бала қыркүйектің 1-нен бастап, 22 оқушы қазанның 1-нен бастап тегін ыстық тамақпен қамтамасыз етілді. Мектеп сайтының «Тамақтану айдары» бөлімінде жарияланған. 

Жамбыл облысы әкімдігінің білім басқармасы 2018 жылғы                                   11 қыркүйектегі орта білім беру ұйымдарында сыбайлас жемқорлыққа қарсы іс-қимыл мәселелері жөнінде  өткен жиналыстың қорытындысы  бойынша білім беруге бюджет қаражатын бөлу туралы білім беру ұйымдарының ресми сайттарына орналастыру үшін бірыңғай есеп беру  формасын жолдады.

       Ағымдағы жылдың 11 қазанына дейін қосымшада тіркелген үлгіде мектебіміздің ресми сайтында «Ашық бюджет» айдарына енгізілді.2017-2018 оқу жылында мектептің ағымдық жөндеу жұмыстарына 1244841 тенге шаруашылық тазалығына 153321 тенге, кеңсе заттарына 48765 тенге, тасымалдауды іске асыру үшін 362838 тенге бөлінді. 

 Акция барысында 3- оқушының  көмекке  қажет екені анықталып, кәсіпкер «Бүркіт» мейрамханасының директоры , қалалық маслихат депутаты Бүркітбаева Жанар тарапынан 18000 тенгеге көлемінде мектеп формасымен қамтамасыз етілді.

Желтоқсан айында Тараз қаласы әкімдігінің білім бөлімі ұйымдастырған жаңа жыл мерекесіне орай қайырымдылық акция аясында Аяз атаға тілек жазған 2 оқушыға, 14000 теңгеге  планшет, 8000 теңгеге  сырт киім (куртка) сыйға тартылды. 

2017-2018 оқу жылында қалалық шыршаға 8 сынып оқушысы қала әкімінің шыршасына қатысып тәтті сыйлықтар, спорттық киімдер сыйға тартылды.

Ата-аналар тарапынан мектебімізге жасалынған көмек

Мектебіміздің 2007 жылғы түлектері  көмегімен мектебімізге мұражай ұйымдастырылды.  

Ата-аналарының ұйымдастырылуымен мектебімізге бастауыш сынып блогына стендттер жасалынды.

 «Қамқоршылық кенесі»  тарапынан 80000 теңге мектеп дәлізін безендірілуге көмек көрсетілді. Түлектеріміз мектепке жүгіртпе тақта сыйға тартты.

Рухани жаңғыру бағдарлама бойынша туған өлкелеріне саяхат жасау, тереңірек таныстыру. Елін-жерін құрметтейтін азаматтар тәрбиелеу болып табылады. Оқушыларымыздың білімін көтеру мақсатында ата-аналармен байланыс жасап қамқоршылық кеңес құру алда басты мақсатымыз болып отыр.

Оқушылармен  жүргізілген   тренинг-сабақ.

«Өмір,сен қымбатсың маған!» атты мектепішілік іс-шара

«Қызды-қырық үйден тыю» қыздар жиналысы

«Жас Ұлан»  жұмысының 2 жылдық мониторингі бойынша оқушылардың қатысуы жылдан жылға артуда.  Мысалы былтырғы жылмен салыстырғанда  «Жас Ұлан» ұйыына қатысатын оқушылар саны 45%  артып отыр. 2018 жылы  «Жас Ұлан» ұйымы 48% .

2019 жылы «Жас Қыран» ұйымы 55%  болжамда.                                                                         

     № 57 орта мектеп кітапхана -67,02ш.м. абономент және  оқу залы, кітап сақтау және мерзімді басылымдар бөлмесі бірге 1 бөлмеден тұрады,  онда 12 орын бар. Кітапханада 1-компьютер,1-принтермен жабдықталған. 

      Жалпы қоры 7253 дана. Оның ішінде 3695 данасы оқулықтар мен әдістемелік оқу кешендері, 2826 данасы негізгі қор,Электрондық оқулықтар саны 62дана, 670дана жұмыс дәптерлері. Негізгі қордың  басым көпшілігі орыс тілінде-1442 дана,  қазақ тілінде 1384дана .Мектеп бойынша 98,3% қамтылды.

 2017-2018 оқу жылында   мектебімізден  9 сынып оқушысы  Шәдібек Аяжан  «Болашаққа бағдар :Рухани жаңғыру аясында «Оқымысты мектеп» атты  қалалық оқырмандар байқауын « Алғыс хатпен» марапатталды.

Мектепте іс-шаралар өткізілді тақырыбы: «Тәуелсіздік –Мәңгілік Ел мұраты» ,  Болашаққа  бағдар: Рухани жаңғыру  ,  «Кітап білім бұлағы» ,   Адамгершілік асыл қасиет,    Тілім менің ғасырлардан –аманат  ,  Салауатты өмір салты ,  Көрме тақырыбы: Құқықықтық тәрбие жән білім беру,   «Жемқорлық індет, жою міндет»,  Есірткіге ,нашақорлыққа қарсы күрес,  Ұлт Көшбасшысы-Елбасы» атты кітап көрмелері ұйымдастырылды.

.

2018-2019 оқу жылынан бастап мектеп мұғалімдері толығымен электронды журналға өтті. «Kүнделік» журналы тегін болып табылады. Kundelik.kz сайтын  қолданғаны үшін абоненттік төлем алынған емес және алынбайды. Ата-аналарға Kundelik.kz сайтында өзінің логині мен құпия сөзі арқылы «Балалар»  - «Күнделік» бөліміндегі өз баласының электронды күнделігіне кіріп, бағалары мен үй тапсырмаларын білуге үнемі тегін мүмкіндік беріледі. Сайтты пайдаланғаны үшін мектептен де ешқандай төлем алынбайды.

Мектебімізде жаратылыстану пәнін ағылшын тілінде 4- мұғалім :   8- сыныптарда информатика пәнін Топчубаев Р, Шоханова И, химия пәнін  Едигенова Г, физика пәнін Г.Абдуллаевалар жүргізеді.

Тәрбие беру үдерісінің тиімділігін қамтамасыз ету үшін республикада мынадай заңнамалық және нормативтік құқықтық актілер жүзеге асырылады:

•  Қазақстан Республикасының Конституциясы;
• Қазақстан Республикасының «Білім туралы» Заңы;
•  Қазақстан Республикасының «Балалар құқықтары туралы» Заңы;
•  Қазақстан Республикасы Білім және ғылым министрінің 2015 жылғы 22 сәуірдегі № 227 бұйрығымен бекітілген Тәрбиенің тұжырымдамалық негіздері.

«Мәңгілік Ел» жалпыұлттық патриоттық идеясының құндылықтары 2016 жылғы 1 қыркүйектен бастап 1-сыныптардың білім мазмұны жаңартылған оқу бағдарламаларына енгізілді, 2017 оқу жылы 2, 5, 7-сыныптардың, 2018-2019 оқу жылы 3, 6, 8-сыныптардың, ал 2019-2020 жылы 4, 9, 10-сыныптардың жалпы білім берудің оқу бағдарламаларына енгізіледі. Бастауыш білім берудің мемлекеттік жалпыға міндетті стандарты үлгі құжат ретінде барлық білім беру процесіне қатысушылардың іс-қимылын реттейтін болады.

Елбасы  Н.А. Назарбаевтың «Қазақстандағы 100 жаңа есім» жобасы үш міндетті орындауға бағытталған: 

1. Өздерінің ақылымен, еңбегімен және дарынымен қазіргі Қазақстанды жасап жатқандардың шынайы бейнесін көрсету.
2. Танымал замандастарымызға ақпараттық қолдау көрсететін және елге әйгілейтін жаңа мультимедиалық алаң құру.

 Тек  жалпыұлттық деңгейдегі ғана емес, өңірлік деңгейдегі «100 жаңа есім» жобаларын жасау. Біз ұлтымыздың алтын қорын құратын отандастарымызды білуіміз қажет. «Болашаққа бағдар: Рухани жаңғыру» бағдарламаны жүзеге асыру мақсатында мектебімізде 2017-2018 оқу жылында «Туған жерге туыңды тік» атты танымал түлектермен салтанатты іс-шаралар ұйымдастырылды. Іс-шара барысында мектебіміздің танымал түлектері Қазақстан Жазушылар Одағының мүшесі , ақын Ғайни Әлімбекқызы, Тараз мемлекеттік Педагогикалық университетінің «Жаратылыстану» кафедрасының деканы, Профессор, жаратылыстану ғылымдарының кандидаты Темірхан Бижігітұлы өскелең ұрпаққа өнеге болатындай іс-шаралар ұйымдастырды. Оқушыларымызға үлгі бола білді. Танымал түлектеріміз мектеп өмірімен тығыз байланыста. Сонымен қатар қала ,облыс маслихаттарының депутататтары аз қамтылған отбасыларға материалдық көмек көрсетіп, «Мектепке жол» акциясына белсенді қатысты.

Құрметті қамқоршылық кеңес мүшелері Елбасымыз Н.Ә.Назарбаевтың 2018-жылы 5- қазанда «ҚАЗАҚСТАНДЫҚТАРДЫҢ ӘЛ-АУҚАТЫНЫҢ ӨСУІ: ТАБЫС ПЕН ТҰРМЫС САПАСЫН АРТТЫРУ» атты жолдауында білім саласына үлкен назар аударды. Айта кетсек: педагог қызметкерлердің жалақысымен қоса олардың мәртебесін көтеруге арнайы заң қарастырылатынын ерекше ықласпен тыңдадық. Сонымен қоса, мектепке дейінгі білім беру сапасын түбегейлі жақсарту мақсатында «Жол картасын» әзірлеуді тапсырып, орта білім беру жүйесінде негізгі тәсілдер белгіленген, қазіргі кезеңде солардың орындалуына баса назар аударған жөн, деп атап өтті. Бұл білім саласында жүрген әрбір қызметкерге күш-қуат, болашаққа деген сенім  және шығармашылық шабыт оятқаны сөзсіз. 

Назар қойып тыңдағандарыңыз үшін рахмет!